ՊԻԿԱՍՈՅԻ ԱՇԽԱՐՀԸ՝ ՍՈԹԲԻՍԻ ՆՈՐ ԱՆԱԿՆԿԱԼՆ ԱՐՎԵՍՏԱՍԵՐՆԵՐԻՆ

     ԱՆԱՀԻՏ ԿՈՐՅՈՒՆ

    

Լոնդոնյան Սոթբիսը արվեստասերներին  անընդհատ լարվածության մեջ է պահում: Այս անգամ էլ  հերթը Պիկասոյին հասավ՝ աշխարհի խոշորագույն հավաքորդները  իրենց հանգիստը կորցրած ՝օր ու գիշեր հեռավար  աճուրդին են հետևում՝ աշխատելով գոնե մեկ գործ ձեռք բերել հանճարեղ արվեստագետից:

     Արվեստագետի  թոռնուհին՝ Մարինա  Պիկասոն, հունիսի 8-18-ը  Սոթբիսում  աճուրդի է հանել Պիկասոյի  շուրջ 220  աշխատանք:  Հիմնականում մեծ թիվ են կազմում տարբեր ժամանակահատվածներում ստեղծված գրաֆիկական և խեցեգործական  աշխատանքները, նաև արվեստագետի ներկապնակները: Եվ չնայած այն հանգամանքին, որ  աճուրդի ավարտին 2 օր է մնացել, որոշ առարկաների նկատմամբ մեծ մրցակցություն է  ծավալվել: Շատ բնական է, որ հավաքորդների ուշադրությունը հատկապես արվեստագետի ներկապնակներն են գրավել: Ներկա պահին վերջիններիս   արժեքը  4-5 անգամ գերազանցում է  նախնական գինը և թե աճուրդի ավարտին դրանք ինչ գնով կվաճառվեն, անկանխատեսելի է:

    Ըստ  մոտ կանգնած աղբյուրների , ռուսաստանյան  մի շարք համայնքային պետական թանգարաններ ևս մասնակցում են  այս աճուրդին:  Լավ կլիներ, որ Ազգային պատկերասրահը ևս իր մասնակցությունն ունենար՝ միշտ չէ, որ  նման հնարավորություն է ընձեռվում:

Պաբլո Պիկասոյի ներկապնակը 1961

Պիկասո. Կերպարներ # 28, 1963