ՀԱՎԱՔՈՐԴԸ՝ ԳԱԼՈՒՍՏ ԳՅՈՒԼԲԵՆԿՅԱՆ

                                                                                                                                                                           

   

ԱՆԱՀԻՏ ԿՈՐՅՈՒՆ

        Աշխարհի ամենախոշոր հավաքորդներից մեկը  20-րդ դարի առաջին կեսի խոշոր գործարար ,ազգությամբ հայ  բարերար Գալուստ Գյուլբենկյանն է : 

          Այսօր նրա ողջ հավաքածուն (6000 միավոր արվեստի առարկա)  իր անունը կրող թանգարանում է ցուցադրվում: Նա այն բացառիկ հավաքորդներից է, ով համաշխարհային արվեստ է հավաքել, ինչը խոսում է նրա բացառիկ ինտելեկտի, ճաշակի ,  բազմակողմանի զարգացածության  և, անշուշտ, անսահման ֆինանսական հնարավորությունների մասին: Գյուլբենկյանի հավաքածուի ժամանակագրությունը սկսվում է Հին Եգիպտոսից և գալիս հասնում է մինչև իր ապրած ժամանակները: /1/

1930 թ. նա իր հավաքածուն պահել է Փարիզում գտնվող իր գրասենյակներից մեկում: Այնուհետև տեղափոխվել է Պորտուգալիա՝ Լիսաբոն, իր հետ տանելով ողջ հավաքածուն:

Գյուլբենկյանն իր հավաքածուի մեծ մասը նվիրաբերել է Պորտուգալիայի կառավարությանն այն պայմանով, որ այն պետք է ղեկավարվի  իր հիմնադրամի կողմից:  Հավաքորդի մահվանից 14 տարի անց՝1969 թ, նրա 100-ամյա հոբելյանի առթիվ  տեղի է ունենում թանգարանի հանդիսավոր բացումը: Այստեղ ցուցադրվում են, թե՛ իր անձնական հավաքածուի, թե՛ Պորտուգալիայի կառավարությանը նվիրած և թե՛ հետագայում հիմնադրամի կողմից ձեռք բերված 10.000  արվեստի նմուշներ:

Թանգարանում ներկայացված  Գալուստ Գյուլբենկյանի հիմնական հավաքածուն 2 բաժնից է բաղկացած և այն 16 ցուցասրահներում  է ցուցադրվում: Առաջին ցուցասրահում հին եգիպտական արվեստ է ներկայացված, Երկրորդում՝ հունահռոմեական արվեստ,երրորդում՝ Միջագետքի, չորրորդում՝  իսլամական, հինգերորդում՝ հայկական արվեստ և այսպես շարունակ: Ի դեպ, հավաքածուն մեծ ընդգրկում ունի՝ հնագիտական առարկաներ՝խեցեղեն,կենցաղային իրեր, կահույքի նմուշներ, զարդեր (այդ թվում՝ ոսկեղենի René Lalique հավաքածուն), սպասք (նաև՝ ռուսաց վերջին ցարի՝ Նիկոլայ Երկրորդի պալատի արծաթե սպասքեղենը), դրամանմուշներ, կերամիկա, քանդակներ, արձաններ, պաստառներ, ձեռագիր մատյաններ ու հնատիպ գրքեր, գեղանկարներ և գրաֆիկական աշխատանքներ:/2/

Օգտագործված գրականության ցանկ

1. Հղում դեպի պաշտոնական կայք՝ https://gulbenkian.pt/museu/en/the-founders-collection/the-collector/

2.  Հղում պաշտոնական կայք՝ https://gulbenkian.pt/museu/en/the-founders-collection/about-the-collection/